Crete coniche normande, tiere
tanche tesaur, tune soletât di aghis
dute ganzant; e al slusìs l’Arcagnul
intal fluit dal Atlantic tal so aur.
Scjalins luncs, meditatîfs: tanche
un rivâ dibot sul ùs de eternitât,
tal fûc cence ardôrs di un altri timp,
in secui perfets e disferents. Cedis
flôrs a florissin rossis
in te clare gjeometrìe dal claustri.
Chenti si sa cemût che si pues viodi,
cence dibot erôrs,
intal incuintri nût, dome un marilamp,
di curvis tors di clap cul cristal dal cîl.
Agnul di Spere
(Sedean, 1930)
No hay comentarios:
Publicar un comentario